لاتفوتكم ضيفتنا ؟؟ على كرسي الاعتراف ؟؟؟

السلام عليكم


وعليكم سلام الله ورحمته وبركاته00

اولا : الحمد لله على سلامتك ... طهور انشاء الله ... وماتشوفين شر

يسلمك ربي من كل باس 00وماترى الشر ياذوق

عندي كم سؤال جاوبي على اللي يريحك

ولو بكل رحابه صدر 00

السؤال الاول :

اين ترى حلوة المعاني نفسها بعد خمس سنوات انشاء الله ؟؟ >> طموحاتك ؟

رغم اني من النوع اللي مايحب يسبق الاحداث 00احب اعيش واقعي ماقول ماني طموحه الكل يطمح للافضل لكن أتمنى رضا اللي حولي علي وبالذات رضا ربي ووالديني هذي عندي أكبر طموح وصلت له والا الاشياء الثانيه نسعى لها لكن اتبع مقولة ][على كفّ القدرِ نمشي ولا ندري عن المكتوب ][< حست انها طولتها بس تحملها

السؤال الثاني :

أصعب موقف مر عليك ؟؟؟

هذي دنيا وربك اذا حب عبده ابتلاه يمين الله على قد ماتضايقني صعوبه الموقف الا املي بالله اكبر من هالدنيا وهالشي يكفيني أصعب موقف اني انحرمت من شوفة ][؟؟؟؟وَ ؟؟؟؟][ لمدة خمس سنوات ويالله انك تجمعني بهم دنيا وآخره

السؤال الثالث :

احلى لحظة مرت عليك ؟؟

كل لحظه رضا تمر علي فيها رضا اللي برضاهم غضبهم جنتي وناري

السؤال الرابع :

مدينة تتمنى زيارتها حلوة المعاني ؟؟

بالاول ودي اخذ عمره لان لي سنه مارحت

وببعدها بلا منافس حايل ][ فديت من سكنها ][

السؤال الخامس :

رأي حلوة المعاني بشباب الجيل الحالي ؟

الله يهديهم لانفسهم وربي لو بعلق بيطول الحديث وانا ماقيس شبابنا من غلطه شخص منهم لكن للاسف صارو الاغلب حقهم علي الدعاء والنصح رغم انهم يعتبرون النصيحه تجريح او اهانه بحقههم الله ينور بصايرهم وبسـ 00آمين

السؤال السادس :

هل بإمكان حلوةالمعاني قيادة السيارة ؟؟ <<< عنده خبر إنك تحبين الددسن ههههههههه

< تقول لا تجيب طاري الددسن

والله ثم والله اني احب هالسياره بشكل محد يتصوره وبالنسبه للقياده حدي بران 00والبنت زينتها سترها وش لها بالسواقه ووجع الراس لانه شي دخيل علينا من الغرب وللاسف حنا يالمسلمين صرنا ناخذ رذائل اليهود او ][الغرب][

واليهود أو ][الغرب][ ياخذون محاسن المسلمين

السؤال السابع :


رأيك بالعضو : المعصقل ؟

عضو الله يوفقه وين ماكان 00 يعجبني فيه احترامه لنفسه قبل غيره00 ومن دون مبالغه لو بتكلم بتطول السطور 00ولا راح اوفيك حقك


آسف على الاطالة ... وشكراً ...

ولو اسعدني تواجدك

هههههههههه اسمحوا لي بها المداخله
قريت الددسن وتخيلت حلوه المعاني راكبه ددسن وطاقه الطبلون والشيله طايره مع الهواء والمرور عجز يوقفها يخاف يقولون له انه يعاكسها يبي يرقمها وهي نازله وفي يدها الجزمه وتقول له هاه وش تقول انا مسرعه والله لقول لظابط انك تغازلني وتبي رقمي .........................................ززززززههه هه وقمت منى النوم وحمدت الله اني مانيب اشتغل بالمرور

احلي مقابله حصريه لاختنا الكبيره في قدرها اسعدك الله مع من تحبين ووفقك الله لشوف الغاليين تحياتي لكم

يامررررررررررحبا ترحيبة السيل يامرحبا ترحيبة الامطار ياهلا وياهلا واهلا ملاييين تنطح ملايين


هو صزز بو ميشو بمتصفحي اي شرف اللي لفاني واي تعطير عطر متصفحي ولا هانو الباقين قدرك اكبر ياذووق 0 0




بو ميشو


لبا فووادك يالقطوع وينك تختبر غلاك غالي بليا ياذووق بس لا عاد تقاطعنا ترا محنا دنمركيين



اووما الددسن والمرور


المره الجايه احلم اني مسويه حركة تايتنك بصحن ][ حوض ][ الددسن



الف شكر للأنامل اللي مابخلت علي بالرد ولا عدمتها 0 0







دمتـ لمغليك

< هذي المستخدمه ترافس من قوة الضحك


ياويلي ويلاه



الجواب : تعني لي حاجة خنفشاريه لن ولن ابوح او اصرح عنها ,,,,




الا على فكره معك صرف خمصين؟ < مليعينه تبي ترفع ضغطه

السلام عليكم

امممممممممممم

ودي اصك بالف سؤال يا بنت المعاني بس خاف اسبب لك ازعاج


هههههههههههه

يصرفها <<

امممم

سؤال واحد


شو يعني لك منتدى عبق وكيف وصلتي له المنتدى وكم تملكين في حسابك واي بنك فيه حسابك وكم سنه وانتي على الانتر نت ومنهو اقرب شخص لك في المنتدى وانتي تلبسي نضاره صح واول ما تصحين من النوم وش تسوين وكم ساعه تجلسي قدام المرايه وكم عندك من فستان وكم عندك من جوال وجهاز كمبييوتر وشلونك المفضل وكم وزنك وكم طولك وش اخر كتاب قريتي وش الاسم الي تحبينه من البنات والشباب وكم الساعه في ايدك الحين وكم ساعه عندك واغلى ساعه ملكتيها كم سعرها يعني وش تسوين الحين والحلم الي تتمنيه يتحقق لك واخر حلم مزعج امممم وش اسمك سواقكم وشغالتكم وشلون غرفتك وعيونك وشلونها .خخخخخخخخخخخخخخخخخخخخخ



بس كفايه



فيصل

السلام عليكم

وعليكم السلام ورحمة الله وبركاته

امممممممممممم

<< ياويل تسبدتس ياحلوه بيمخمخ على اسألتس

ودي اصك بالف سؤال يا بنت المعاني بس خاف اسبب لك ازعاج

<< تقول ابدن لبدن لا ازعاج ولا شي

هههههههههههه

يصرفها <<

> هي اللي تصرفه

امممم

سؤال واحد

< تقول سؤال انشتاين حشا

شو يعني لك منتدى عبق؟

بيتي الثاني ويعلم الله اني ماسكه غيره سبعتلاف منتدى ووقتي هاليومين ضيق حيل بس ماتفضى لغيره

وكيف وصلتي له المنتدى؟

عن طريق العضو امير واصلع وشين وبكيفي

وكم تملكين في حسابك واي بنك فيه حسابك؟

حسابي به مبلغن وقدره < خايفه من العين


حاليا فوق 90 الف بس لا تروحون لبعيد والله ماجبتها الا بعرق جبيني يعني من شغل المنتديات وشغلت فلوسي بسـ ][ اتمنى ان قاري اجابتي يذكر الله ][< لو هي مليار وش تسوي تمسحين على عتبه عبق

حسابي بالبنك السعودي الامريكي

وكم سنه وانتي على الانتر نت؟

حول ست او سبع سنوات تقريبا

ومنهو اقرب شخص لك في المنتدى؟

وربي كلهم ولا تعتبرها اجابه ديمقراطيه كلهم مثل خواتي واخواني اخوان ماولدتهم امي
وانتي تلبسي نضاره صح؟

لا ولله الحمد < تقول مسوي واثق الاخ على طول كتب صح

واول ما تصحين من النوم وش تسوين؟

أفتح عيوني

وكم ساعه تجلسي قدام المرايه؟

ابشرك ما اطول عندها < الزين زين لو قام من نومه << مدري من لاعب عليها

وكم عندك من فستان؟

عندي كذا فستان بس والله ماتجلس عندي على طول اصرفها لاني اعرف حالي ماراح البسها مره ثانيه مو فخر اقولها بس الله يهديني

وكم عندك من جوال وجهاز كمبييوتر؟

عندي جوالين واربع لاب توبات و جهاز مكتبي< افتحي محل

وشلونك المفضل؟

الاحمر
وكم وزنك وكم طولك؟


56 < الحين يعايرها صدق فصول


ووزني الاساسي 54<< يقارك رقعتها الحين


اما طولي مهناش طول سنفوره يعني متوسطه الطول بس مايله للقصر <تعترف

وش اخر كتاب قريتي؟

كتاب مادة التصميم < اخر اختبار اختبرته بالكليه

وش الاسم الي تحبينه من البنات؟

ايمي


والشباب؟

تبي الجد كل الاسماء000 بس اللي في بالي الحمندي لانه دلع اخوي ][ يالله لا تخليني ][

وكم الساعه في ايدك الحين؟


6:43 ص


وكم ساعه عندك واغلى ساعه ملكتيها كم سعرها يعني؟


اما الساعات حدث ولا حرج < مدمنة ساعات

والله ياذووق كثيره حيل وأغلى ساعه ملكتها بـ 9 الاف

وش تسوين الحين؟

اجاوب على اسألة التحقيق

والحلم الي تتمنيه يتحقق لك واخر حلم مزعج؟

رضا الله ثم ورضا اللي برضاهم وغضبهم جنتي وناري واللي حولي علي وبالمقام الاول الجنه وان ربي يجمع بها كل من قراني الحين وناسن انحرمت شوفتهم بالدنيا يجمعني بهم الكريم امين بجنات النعيم



حلم مزعج اذا تقصد وانا نايمه بيني وبينك من شوي لكل بأوّله خير وان شاء الله خير




امممم وش اسمك سواقكم وشغالتكم؟

اسمي: مشعانه
اسم سواقنا : مستور وبيجينا واحد بالطريق اسمه زهير
وشغالاتنا :ماريتاس

وشلون غرفتك؟


لون الجدار كموني وعسلي ][ معتق حجري ][

والغرفه عسلي غامق



وعيونك وشلونها .خخخخخخخخخخخخخخخخخخخخ؟


لونها بونافسجيه


بس كفايه


لا حلف اسأل بعد لا كب العشاء بعد


< تقول لوخيتها همزي مصابعي من هالفصول


الموهيم نداء لكل اللي بيكبون عشاي ويسألون اسأله كثيره ترا ماراح اجاوب الا لما تأمنون لي وتوفرون مدلكه او مدلك يهمزون مصابيعي بعد الاجابه

وقد اعذر من انذر < ياعمري عليتس يانفسي

السلام عليكم ورحمه الله وبركاته

ارحب اولا بضيفتناا حلوه المعاني

صراحه الاخوان ما قصرو ما خلو لي اي سوال اسئله

لكن سوالي هو وش اللي يعجبك في شخصية الرجل وكيف تحبينه يكون

السوال الثاني
ماهي علاقتك بالاندومي وماهو النوع المفضل لديك


السوال الثالث
هل اسمك الكامل ؟؟؟

بقوه سوال ماله داعي